Вирусийн халдвараас сэргийлэхийн тулд цэвэр усны сав толгойдоо углажээ
Коронавирусийн халдвар дэгдсэнтэй холбоотойгоор олон улсад халдвараас урьдчилан сэргийлэх зорилгоор олон талт арга хэмжээ авч байна. Тухайлбал, хилээр нэвтэрч буй иргэдийн халууныг хэмжих, сэжигтэй тохиолдлуудыг тусгаарлан, нарийвчилсан оношлогоо хийж байгаа юм.
Одоогийн байдлаар нийт 16 улсад коронавирусийн халдвар албан ёсоор бүртгэгдээд байгаа ба тэдгээрийн дотор Канад улс багтаж байна. Үүнтэй холбогдуулан зарим иргэд вирусийн халдвараас сэргийлэхийн тулд байж болох бүхий л арга замыг ашиглаж байгаа гэнэ. Жишээ нь, Ванкуверийн олон улсын нисэх онгоцны буудалд цэвэр усны сав толгойдоо углан зорчиж буй иргэдийн зураг олон нийтийн сүлжээнд таржээ.
Коронавирус нь ахуйн хавьтлаас гадна агаар дуслын замаар халдварлах боломжтой тул маск зүүж, гараа тогтмол угаах, гараа нүүр, ам, нүдэндээ хүргэхгүй байх зэрэг энгийн эрүүл ахуйн дэглэмийг сахихыг мэргэжилтнүүд зөвлөж байна. Харин вирусийн халдвараас сэргийлэхийн тулд энэ мэт "экстрим" арга замыг хэрэгжүүлэхээр талаар мэргэжлийн байгууллагууд хараахан зөвлөөгүй билээ.
Холбоотой мэдээлэл: Амны хаалт вирусийн халдвараас хамгаалдаг уу?
Гэр, ажлын байр, гудамж талбайд ЭРҮҮЛ АХУЙГ САХИХ 15 дүрэм