Зарим хөгжмийн төрөл эерэг бодлыг өдөөдөг болохыг тогтоожээ
Хөгжим хүний сэтгэл зүйн байдалд нөлөөлж, тэр бүү хэл ажлын бүтээмжийг нэмэгдүүлдэг болохыг баталсан олон арван судалгаа байдаг. Тэгвэл тодорхой төрлийн хөгжим нь хүний бодолд нөлөөлдөг болохыг шинэ судалгаагаар тогтоожээ.
Норвегийн Бергений их сургуулийн эрдэмтэд судалгаандаа 60 гаруй хүнийг хамруулж хэмнэл, найрал хөгжим, дуугаралтын хувьд бүрэн нийцсэн баатарлаг болон гунигтай өнгө аяс бүхий 6 өөр төрлийн хөгжим сонсгожээ. Туршилтын дараа оролцогчдоос юу бодож байсан тухай асууж, тусгай асуулга бөглүүлсэн байна.
Тус судалгааг тэргүүлсэн судлаач Тобиас Башевкиний хэлж буйгаар баатарлаг, эрэлхэг өнгө аяс бүхий хөгжим нь өөртөө итгэлтэй, урам зоригтой бодлуудыг өдөөдөг бол гунигтай хөгжим нь тайвшрахад тусалдаг ч заримдаа нэмж гутрахад нөлөөлж болзошгүй гэжээ. Мөн тэд энэ ололтын тусламжтайгаар сэтгэл гутралд автсан хүмүүсийг эмчлэх, хүмүүсийн идэвхтэй, санаачлагатай, эерэг бодлыг дэмжихэд ашиглаж болно гэж үзэж байна.
Холбоотой нийтлэлүүд:
Сэтгэл гутралд автсан хүмүүс яагаад гунигтай хөгжим сонсох дуртай байдаг вэ?
Хөгжим сонсонгоо бүтээмжтэй ажиллахыг хүсдэг хүмүүсийн баримтлах 6 зарчим
Эх сурвалж: The Ladders
ЭНЭ МЭДЭЭНД ӨГӨХ ТАНЫ СЭТГЭГДЭЛ?
- СЭТГЭГДЭЛ БИЧИХ
- Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.
