1 мин

Зэвсэглэсэн этгээдүүд их хэмжээний ариун цэврийн цаас дээрэмджээ

Б.Саруул 2020.02.17 2 1 1

187

Коронавирусийн дэгдэлтээс болж Хонконгод өргөн хэрэглээний бараа бүтээгдэхүүний хомсдол үүсээд байна. Супермаркетууд ариун цэврийн цаас, гоймон, будаа, ариутгагч бодисын эрэлтийг гүйцэтгэж чадахгүй байгаа талаар мэдээлжээ. Үүнээс болж дэлгүүрт урт дараалал үүсэж, лангуун дээр тавьсан бүтээгдэхүүнүүд хормын дотор дуусаж байна гэжээ. 

Тэгвэл өнгөрсөн даваа гарагт зэвсэглэсэн дээрэмчид Монг Кок дүүрэгт байрлах Wellcome супермаркетаас олон тооны ариун цэврийн цаас хулгайлсан хэрэг гарчээ. Гэмт этгээдүүд хүргэлтийн ажилтныг хутгаар сүрдүүлж, 1000 хонконг доллартай (130 доллар) тэнцэх ариун цэврийн цаасыг дээрэмджээ. Цагдаагийн газраас хэргийг шалгаж байгаа аж. 

Өргөн хэрэглээний хүнс, барааны бүтээгдэхүүний нийлүүлэлт тогтвортой байгаа ч супермаркетуудад хомсдол үүссэн нь онлайнаар тарж буй хуурамч мэдээлэлтэй холбоотой гэж Хонконгийн эрх баригчид үзэж байна. 

Дашрамд дурдахад, 2003 онд SARS вирус дэгдэхэд Хонконгийн 299 иргэн амиа алдаж байжээ. Иймд хонконгчууд коронавирусийн халдвараас ихээхэн болгоомжилж байгаа юм.

Эх сурвалж: The Guardian

Б.Саруул 2020.02.17

187