Зун цаг, 90-ээд он, хуучны мэдрэмж рүү хөтлөх онлайн радио трэнд болж байна
Яг одоо онлайнаас олж болох хамгийн chill газар бол Poolside радио байж мэднэ. Тус радио станц өнгөрсөн жил 0 долларын маркетинг, нэг ч ажилтангүйгээр 1 сая хандалт цуглуулсан талаар Poolside радиог үүсгэн байгуулагч Марти Белл жиргэжээ.
Poolside радио 2014 оноос хойш ажиллаж байгаа бөгөөд сайт руу нэвтрэхэд бүхэлдээ 90-ээд оны уур амьсгал "ханхлах" аж.
Та энд ганцхан дэлгэцэн дээр 10 өөр төрлийн үйлдэл хийж болно. Тухайлбал, чатлах, Poolside-ийн сошиал медиагаар аялах, радио, телевиз үзэх (мэдээж бүгд 90-ээд оны), CD тоглуулах гэх мэт. Бичлэг, дууны сонголтууд нь танд зун цаг, 90-ээд оныг эрхгүй санагдуулах болно.