Азийн олимпын зөвлөл (ОСА), Олон улсын сонирхогчдын боксын (IBA) холбооноос манай боксчин Б.Чинзоригийн допингийн хэргийг эцэслэн шийдвэрлэлээ. Б.Чинзориг Азийн наадмын 63,5 кг-ын жинд түрүүлж, алтан медаль хүртсэн. Гэвч тулааны дараах шинжилгээгээр цуснаас нь “Метандиенон” хэмээх хориотой бодис илэрсэн юм. Түүний хэргийг өнгөрсөн оны аравдугаар сараас хэлэлцэж, энэ сарын 27-нд шийтгэл оноолоо.
Б.Чинзоригийн 4 жил тэмцээнд оролцох эрхийг нь хассан байна.
Ингэснээр түүний алтан медалийг Тайванийн Лай Чжуэнь авч, шөвгийн наймп Чинзод ялагдсан Казахстаны Ертуган Зейнуллинов хүрэл медаль зүүх болов.
