Хайх зүйлээ бичнэ үү

3 мин

Эмэгтэй хүн бүрийн ХӨХ өөрийнхөөрөө гоо үзэсгэлэнтэйг батлах 15 зурвас


Гоо үзэсгэлэнгийн тухай ойлголт нэгэн хэвийн, тогтсон хэв маягт захирагддаггүй. Эмэгтэй хүн бүрийн биеийн хэмжээ, хөхний хэлбэр гоо үзэсгэлэнтэй болохыг дараах 15 эмэгтэйн бяцхан зурвас танд өгүүлэх болно.

Өнөөдөр "хөхөвчгүй өдөр" | Хөхний хорт хавдраас сэргийлэх 5 АЛХАМ

1. 

Минийх жижигхэн. Цоолбортой. Өмнө нь "хавтгай" цээжнээсээ эмзэглэдэг байсан ч хөхөөрөө хайртай хүүгээ хооллон, энгэртээ тэвэрч, түүнийгээ цатгаж чадахаа хараад жижигхэн хөхөө улам их хайрлах болсон.

2. 

Миний хөх бага ангиас эхлээд маш том болсон. Бараг 4-р ангидаа хөхний даруулга зүүж эхэлсэн. Хэтэрхий том болохоор байнга л хөлс гарч, даруулга, цээживчний ором гарчихдаг. Хөвгүүдэд шоолуулж, биеийн тамирын хичээлдээ орохоос ч айдаг байсан. Харин одоо би том болсон. Биеийнхээ хамгийн гоё сайхан, бахархам хэсгээс ингэж удаан айж ичиж явсандаа харамссан. Хэрвээ чамд ч бас ийм мэдрэмж төрдөг бол бусдын үгээр битгий өөрийгөө дүгнээрэй. Харин ч бахархах хэрэгтэй.

3. 

Миний хөхөн дээр олон сорви бий. Арьсны харшлаас болоод. Гэхдээ юу гээч? Хайртай залуу маань үүнийг "онцгой дур булаам" гэсэн.

4. 

Би гурван сартай хүүгээ хөхүүлж байгаа. Миний хөх зөвхөн минийх биш, хүүхдүүдийнх минь шүү дээ. Хайрлахаас өөр аргагүй.

5. 

Би хөхөө сул байлгах дуртай. Савлуулсан ч яадаг юм...

6. 

Бусдын хөхийг хүндлэхгүй юм бол харилцаад ч хэрэггүй.

7. 

Миний хөх хоёр тийшээ салчихдаг. Нэг толгой нь том, нөгөө нь жижигхэн. Хөхөө хүлээн зөвшөөрч, хайрлахад суралцах гэж урт хугацааг туулсан ч эцэст нь үнэн сэтгэлээсээ хайрладаг болсондоо баяртай байна. Чи хэдий эрт хөх, гадаад төрхөө хүлээн зөвшөөрч хайрлаж эхэлнэ, төдий удаан аз жаргалтай байх болно. 

8. 

Миний хөх их хөгжилтэй харагддаг шүү.

9. 

Хэмжиж үзэхэд минийх их жижигхэн байсан. Үргэлж л өргөгч, шахагчтай даруулга зүүж том харагдуулахыг хичээдэг. Гэхдээ мэс заслаар хөхөө янзлуулалгүй, зүгээр л өөртөө тохирсон "халуухан" даруулга олж авахад ямар том өөрчлөлт бий болж буйг анзаарсан. Би хөхөндөө хайртай. 

10. 

Нас яваад хөх маань доошоо унжчихсан. Толгой нь цаашаа ороод алга болсон ч ач зээ нар минь намайг хайрлан тэвэрдэг хэвээрээ. Энэ хөх зураас нь үрчлээс. Үрчлээс, сэвх, сорвио хайрлаж сурсан цагтаа бид үнэхээр өөрийгөө хайрлаж эхэлдэг байх.

11. 

Том болохын хэрээр би хөхөө хайрлаж байгаа.

12. 

Өсвөр насандаа хөхөө ургахыг хүлээж яддаг байлаа. Бусад охидынх ургаад л байхад минийх хавтгай хэвээрээ их удсан. Тэгээд бүр 25 хүрсэн хойноо миний хөх маш "хөөрхөн" ургачихсан байгааг анзаарсан. Охин бүрийн биеийн хөгжил ердөө л "өөр" гэдгийг тэр үед мэддэг байсан бол тэгэж их шаналахгүйсэн.

13.

Цээжин дээр маань янз бүрийн юм гарчихдаг тул би тэр бүр майк, цээживч өмсдөггүй. Гэхдээ одоо байгаагаараа байх нь ямар эрх чөлөөтэй, аз жаргалтай болохыг ойлгосон шүү.

14. 

Би хөхөн дээрээ олон мэнгэтэй. Үүнийгээ "цэнхэр цэгүүд" гэдэг.

15. 

Би 23-тай. Нэг хөх маань нөгөөгөөсөө арай жижигхэн. Гэхдээ яагаад заавал адилхан байх ёстой билээ?

  Эх сурвалж: Boredpanda

Хамгийн их уншилттай
1
2021.09.28
"Squid Game" киноны жүжигчин И Жон-жэгийн тухай 14 сонирхолтой баримт
2
2021.09.28
Габби Петитод юу тохиолдов? | Түүний хэргээс суралцах хортой харилцааны тухай 10 зүйл
3
2021.10.15
Энэ 7 хоногийн хөгжилтэй постууд: Сонгууль, Эрээний боомт, Юнител
холбоотой мэдээ
1
13 цагийн өмнө
ХОБО ЖИБЭ | Адель хэнд ч зориулж тураагүй, Зендаяа Том Холланд хоёрын романс, Хилэнцийн...
2
14 цагийн өмнө
Өмнөд Солонгосын тэмцэгчид "Squid Game" цувралын хувцас өмсөн жагсжээ
3
14 цагийн өмнө
Коронавирус устгагч "Агаарын вакцин" гэж юу вэ?
санал болгох
1
11 цагийн өмнө
Уран гулгалтын тойм | Гранпри цувралын эхэнд олимпын найдварууд бүдэрлээ
2
14 цагийн өмнө
Өмнөд Солонгосын тэмцэгчид "Squid Game" цувралын хувцас өмсөн жагсжээ
3
16 цагийн өмнө
"Squid Game"-ийн хувцас Хэллоуиний хамгийн эрэлттэй өмсгөл байх нь

Энэ мэдээнд өгөх таны сэтгэгдэл?
0
1
11
0
0
0
0
0

Сэтгэгдэл бичих (1)
Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй байж, өөрийн болоод хүний үзэл бодлыг хүндэтгэнэ үү.

idk 2021.04.19 172.69.252.151

bi c gsn huhunduu mash ih hairtai, hzee c miniih jijighen gj golj bgaagui, uswur nasnaasaa huhuu harah bolgondoo hairldg bsn

0 Хариулах