1 мин

ЛГБТ төвөөс “Шилдэг бүтээлийн уралдаан” зарлажээ

Э.Намуун 2021.04.26 2

ЛГБТ төвөөс хүний эрхийг түгээн дэлгэрүүлэх, нийгэм дэх ялгаварлан гадуурхалтыг бууруулах, күийр уран бүтээлчдийг дэмжих болон урлагаар дамжуулан ЛГБТИК+ олон нийтийн дуу хоолойг нийгэмд хүргэх зорилгын хүрээнд “Шилдэг бүтээлийн уралдаан” зарлажээ. 

Дэлхийн эрүүл мэндийн байгууллагаас ижил хүйсийн бэлгийн чиг баримжааг Өвчний олон улсын ангиллаас хассаныг тохиолдуулан дэлхийн 132 гаруй орон энэ өдрийг 2004 оноос хойш жил бүрийн тавдугаар сарын 17-нд онцлон тэмдэглэсээр ирсэн. Тус уралдааныг энэхүү тэмдэглэлт өдрийг тохиолдуулан зохион байгуулж байгаа юм.  

ЛГБТ Төв нь 2021 онд зураач, илюстратор болон гэрэл зурагчдын дунд зориулан 7 дахь удаагийн “Шилдэг бүтээлийн уралдаан”-ыг зарлаж байгаа бөгөөд Күийр Улаанбаатар, Монгол Күийр гэр бүл, Күийр мөрөөдөл сэдвийн хүрээнд бүтээлийг хүлээн авна. Ирсэн бүтээлүүдийг 2021 оны тавдугаар сарын 17-27-ыг дуустал “Эрхийн төлөө урлаг” цахим үзэсгэлэнгээр олон нийтэд хүргэх аж. Дэлгэрэнгүй мэдээллийг ЭНД дарж авна уу.

Э.Намуун 2021.04.26