1 мин

12 настай хүү хөл хорионы үеийг ашиглан дунд сургууль, коллежоо зэрэг төгсчээ

Г.Сүрэн 2021.04.28 3 1

АНУ-ын 12 настай Майк Виммер гэх хүү цар тахлын улмаас тогтоосон хөл хорионы үеийг ашиглан хичээлээ онлайнаар урьдчилан үзэж, дунд сургууль болон коллежийн сургалтаа нэгэн зэрэг дуусгасан тухай CNN мэдээллээ. 

АНУ-д жил гаруй хугацаанд хөл хорио хэсэгчлэн үргэлжилж байгаа бөгөөд дунд сургуульд суралцаж байсан Майк хичээлээс гадуур хэд хэдэн хөтөлбөрт нэмэлтээр суралцаж дээрх үр дүнд хүрчээ. 

Тэр дунд сургуулийн 2 жилийн хичээл болон коллежийн 2 жилийн хөтөлбөрийг буюу нийт 4 жилийн сургалтыг 1 жилд үзэж, амжилттай суралцаж чаджээ. Түүний дунд сургуулийн голч оноо 97А бол коллежийнх нь 3.7 гэнэ. Тэр ирэх тавдугаар сарын 21-нд Роуан-Кабррус коллежийг, 28-нд нь Конкорд Академийн ахлах сургуулийг тус тус төгсөх юм. 

Программ хангамж болон роботикт дуртай Майк өөрийн "Next Era Innovations" нэртэй старт ап компаниа аавынхаа хамт 2019 онд байгуулжээ. Тэр ихэнх хичээлээ бие даан онлайнаар хийж, суралцсан бөгөөд АНУ-ын Тусгай ажиллагааны командлалын байгууллагаас ажлын санал авсан анхны хүүхэд болжээ.

Г.Сүрэн 2021.04.28