Коби Брайантын эхнэр Ванесса охин Жижидээ зориулсан хувцасны брэндээ танилцууллаа
Өнгөрсөн оны нэгдүгээр сард бүх цаг үеийн хамгийн шилдэг сагсан бөмбөгийн тамирчин Коби Брайант, 13 настай охин Жианна буюу Жижитэйгээ хамт нисдэг тэрэгний ослоор амиа алдсан билээ. Түүний эхнэр Ванесса Брайант энэ сарын 1-нд охиныхоо 15 насны төрсөн өдөрт зориулан "Mambacita" гэх спорт хослолын брэндийг олон нийтэд танилцууллаа.
Ванесса Брайант 19 настай дунд охиныхоо хамт шинэ загварыг танилцуулсан бөгөөд Хлое Кардишиан, Риз Уизерспун, Кэйт Хадсон зэрэг алдартнууд сошиал сүлжээндээ Жижид төрсөн өдрийн мэнд хүргэн "Mambacita"-тай зургаа оруулсан нь тус брэндийн борлуулалтыг хэдхэн өдөрт дэлхийн алдартай брэндүүдийн эгнээнд оруулжээ.
"Mambacita" нь юнисекс буюу хүйсгүй загвар бөгөөд Жижигийн сагсан бөмбөгийн тоглогчийн нэрээр ийнхүү нэрлэжээ. Коби Брайант болон Лакерсийн шүтэн бишрэгчид түүнийг "Black Mamba" хэмээн дууддаг байв.
Эх сурвалж: CNN