Цагаан ордонд 8 жил амьдарсан Барак Обамагийн Бо нохой нас баржээ
Барак Обамаг ерөнхийлөгч байх хугацаанд буюу 2009-2017 оны хооронд Цагаан ордонд амьдарч, тэр үеэс хойш Обамагийн гэр бүлийн нэгэн гишүүн хэмээгдсээр ирсэн "Тэргүүн нохой" хочтой Бо 12 насандаа хорт хавдрын улмаас нас баржээ. Энэ тухай Барак Обама сошиал хуудастаа бичиж, "Аз жаргалтай, гуниг зовлонтой бүхий л үедээ хамт байсан Бо нохойндоо харуусч байна" гэжээ.
Today our family lost a true friend and loyal companion. For more than a decade, Bo was a constant, gentle presence in our lives—happy to see us on our good days, our bad days, and everyday in between. pic.twitter.com/qKMNojiu9V
— Barack Obama (@BarackObama) May 8, 2021
Обама анх 2008 оны ерөнхийлөгчийн сонгуулийн ард гарвал охиддоо нохой авч өгнө хэмээн амлаж, сонгуулийн дараа тэдний гэр бүл Ботой танилцаж байжээ. Үүний дараа 2013 онд Санни нэртэй нохойг Богийн дүү болгон үрчилж авчээ.
Эелдэг зантай, чанга дуутай ч огт хаздаггүй нөхөрсөг Бо зөвхөн Обамагийн гэр бүлийн төдийгүй Цагаан ордныхны хайртай анд нөхөр байсан тухай Мишель Обама дурслаа.
Эх сурвалж: NBC