2 мин

Онцлох уран бүтээлч: Tenne, Amra, 290

Г.Сүрэн 2021.05.11

Сүүлийн үед шинэ уран бүтээлээ туурвин, өвөрмөц содон өнгө төрхөөрөө ялгарч буй дараах 3 уран бүтээлчийг энэ удаа онцолж байна. Залуу уран бүтээлч болон тэдний шинэ уран бүтээлийг залууст түгээхэд UB.LIFE үргэлж нээлттэй байх болно.

#1 Amra

Өвөрмөц дуу хоолой, өнгө төрхөөрөө танигдаад буй Amra буюу А.Амаржаргал дууныхаа үгийг ихэвчлэн англи хэлээр өөрөө зохиож, дуулдаг уран бүтээлч юм. Өнгөрсөн онд 17 бие даасан дуу бүхий "Never" нэртэй анхны цомгоо гаргасан. Түүнийг бид "Take Me There"-ээр сайн мэдэх бөгөөд уг уран бүтээл нь youtube сувагт 4 сая гаруй удаа тоглогдож, Apple Music сүлжээний Монгол дахь чартыг удаа дараа тэргүүлжээ. Тэр хамгийн сүүлийн "Close to You" дууныхаа үгийг ч өөрөө бичиж, найруулжээ. Эл дууны зураг авалтын хийц, уран бүтээлийн багийг онцлууштай.

Онцлох уран бүтээл:

#2 290

290 буюу рэппер, үг зохиогч М.Төгөлдөрийн 168, Baatarfly нартай хамтарсан "Hungun", Chill with Yavuuhulan-тай хамтарсан "Be my summer” уран бүтээл нь залуусын дунд шинэ уур амьсгал, өнгө төрх авчирсан өндөр хандалттай уран бүтээлүүд болсон. Тодорхой төрөл жанрт баригдахыг хүсдэггүй 290 сүүлийн нэг сарын дотор л гэхэд 3 шинэ уран бүтээл туурвижээ.

Онцлох уран бүтээл:

#3 Tenne

Tenne (Г.Тэнүүн) нь 2 бүрэлдэхүүнтэй "Punk and Rap" хамтлагийн гишүүн бөгөөд сүүлийн үед ганцаарчилсан уран бүтээлээ эрчимтэй туурвих болсон дуучин, бүжигчин, артист юм. Түүний 2020 онд цацсан анхны бие даасан уран бүтээл болох "Уул" сингл танд таалагдана гэдэгт итгэлтэй байна. Уг дууны шүлгийг онцлон чагнууштай...

Онцлох уран бүтээл: