1 мин
Ерөнхийлөгчийн сонгуулийн мэтгэлцээн цуцлагдлаа
Б.Уранзаяа 
15 
2 
1 
Дэлхий дахинд Ерөнхийлөгчийн сонгуулийн дүнд нөлөө үзүүлэх чухал үйл ажиллагаа нь нэр дэвшигчдийн дунд явагддаг мэтгэлцээн юм. Монгол Улсын 2021 оны Ерөнхийлөгчийн сонгуулийн нэр дэвшигчдийн хоорондох мэтгэлцээнийг өнөөдөр зохион байгуулж МАН-аас нэр дэвшигч У.Хүрэлсүх, АН-аас нэр дэвшигч С.Эрдэнэ, “Зөв хүн электорат” эвслээс нэр дэвшигч Д.Энхбат нар оролцохоор байв. Гэтэл өнгөрсөн долоо хоногт нэр дэвшигч Д. Энхбат болон түүний эхнэр Д. Оюунцэцэг нар сонгуулийн сурталчилгааны үеэр корона вирусийн халдвар авсан нь тогтоогдсон ба одоогоор Улсын Хоёрдугаар Төв Эмнэлэгт хэвтэн эмчлүүлж байгаа юм. Ийнхүү Ковидын үеийн халдвар хамгааллын журмын дагуу нэр дэвшигч Д. Энхбат нь сонгуулийн мэтгэлцээнд биеэр оролцох боломжгүй болсны улмаас Ерөнхийлөгчийн сонгуулийн мэтгэлцээн цуцлагдаж буйг МҮОНТ-ийн захирал А. Бүрэнбаатар хэвлэлийн бага хурлын үеэр албан ёсоор мэдэгдлээ.
Хамгийн их уншилттай 
холбоотой мэдээ 
санал болгох 
Сэтгэгдэл бичих (0)
М.Гэрэлмаа 
О.Анхзаяа