1 мин

"Takesan": Манай менежерийг СБД-ийн цагдаа баривчлан авч явлаа

О.Анхзаяа 2021.06.24 7 2 1

Өнөөдөр сошиал орчинд нэгэн мэдэгдэл маш олон хүнийг шуугиулж, олон ч дэмжлэг авсан нь "Takesan Miso Ramen" хоолны газрын пост байсан билээ.

Үр дүнгүй хорио, хязгаарлалтын улмаас хохирч, асар их санхүүгийн дарамтад орж байгаа учраас, үүнд дорвитой арга хэмжээ авахгүй байгаа тул ариун цэврийг сайтар сахиж үйлчлүүлэгчдийг заалаар хүлээн авч, ажиллана гэдгээ мэдэгдсэний дараа маш олон ресторан, хоолны газар, кофе шоп тэднийг дэмжиж, адилхан мэдэгдэл ар араасаа гаргаж байсан билээ. "УОК-ын хариуцлагагүй шийдвэрийг эсэргүүцэн заалаар үйлчлэхээ мэдэгдээд буй 16 газар" нийтлэлийг ЭНД дарж унших боломжтой.

Тэрхүү мэдэгдлийн дараа маш олон хүн дэмжиж буйгаа пост, сэтгэгдлээр илэрхийлж очиж үйлчлүүлэх болсноо мэдэгдэж байсан ч зарим хүнийг очиход цагдаа болон мэргэжлийн хяналтын ажилчид хэдийнээ очиж, үйл ажиллагааг зогсоох тухай сануулга өгч байсан байна.

Ийнхүү фэйсбүүкт тавьсан мэдэгдлээс үүдэж тус рестораны үйл ажиллагаа хариуцсан менежерийг баривчлан авч явсан тухай рестораны зүгээс мэдэгдэл хийжээ. 

Гэсэн ч тэд гаргасан мэдэгдлээсээ буцалгүй үргэлжлүүлэн ажиллана хэмээн мэдэгдэж, хэвлэл мэдээллийн байгууллагууд болон хувь хүн, албан байгууллагыг нэгдэхийг уриаллаа.

Тус зургийг NOICE пэйжээс авч ашиглав: 

О.Анхзаяа 2021.06.24