1 мин

Евро 2020 | Герман-Унгарын тоглолтын өмнө ЛГБТИК+ эрхийн төлөө эсэргүүцэл илэрхийлэв

Г.Сүрэн 2021.06.28 1 1 1

Мюнхен хотод болсон Герман-Унгарын хөлбөмбөгийн тэмцээний үеэр үзэгчид ЛГБТИК+ эрхийг дэмжиж, солонгон өнгийн далбаагаар эсэргүүцлээ илэрхийлжээ. Унгарт ижил хүйстнүүдийн эсрэг хууль батлагдсантай холбогдуулан "Евро 2020" тэмцээний үеэр солонгон далбаа мандуулахыг хориглосон юм. Дэмжигчид Германы багийн богино цамц өмсөж, Унгарын төрийн дууллын дараа талбайд солонгон далбааг мандуулахаар гарчээ. 

Унгарын парламентын гишүүд өнгөрсөн долоо хоногт 18 нас хүрээгүй хүмүүст ижил хүйстнүүдийн тухай аливаа мэдээлэл хүргэх, сурталчлах, дүрслэхийг хориглосон хууль баталсан бөгөөд "Евро 2020" тэмцээний үеэр солонгон далбаа гаргахгүй байх заалтыг тусгажээ.

Герман болон Европын Холбооны 13 улс шинэ хуулийг буруушааж байгаа тул Унгарын Ерөнхий Сайд Виктор Орбан хөлбөмбөгийн тэмцээнд хийх айлчлалаа цуцлаад байна.

Эх сурвалж: BBC

Г.Сүрэн 2021.06.28