"Хэт чимээтэй" шувуудад дургүйлхсэн ХӨРШ нь модных нь талыг тайрчихжээ
Их Британийн Шеффилд хотод оршин суугч 56 настай Барат Мистри нэг л өглөө сэрэхдээ дараах дүр зурагтай нүүр тулжээ. Хайртай модных нь талыг тэр чигээр нь "тасар" татчихсан байв. Хөрш нь удаа дараа моддын навчсаас хог гарч, шувууд бөөгнөрч, чимээ шуугиан тарьдаг хэмээн гомдоллож байжээ. Харин нэг л өдөр тэвчээр нь тасарсан бололтой, яг өөрийнхөө эзэмшил дагуу шугам татан модны талыг тайруулчихав.
Шеффилд хотод зуслангийн байр маш үнэтэй бөгөөд 160-200 мянга хүртэлх еврогоор үнэлэгддэг тул эзэмшигчид хувийн эдлэндээ тун няхуур ханддаг тухай Барат мэдэгджээ. Гэсэн ч өөрт нь хэлэлгүй ийн 25 жил ургуулсан модыг нь тайрсанд хөршдөө тун их гомдож, "Оны шилдэг хөрш" хэмээн цахим сүлжээндээ тал модныхоо зургийг оруулсан нь энэ юм.
Эх сурвалж: BBC