Үер бууснаас замууд эвдэрч, автомашинаар зорчиход эрсдэл учруулж байна
Хөвсгөл аймгийн Мөрөн хотоос Хөвсгөл нуур, Хатгал тосгон чиглэлийн сайруудад үер бууж, автомашин урсах эрсдэлтэй байгааг Хөвсгөлийн Улсын тусгай хамгаалалттай газрын хамгаалалтын захиргаанаас аялагчдад сэрэмжлүүллээ.
Аадар буусны улмаас зарим аймгийн зам, даваа эвдрэн автомашинаар зорчиход хүндрэлтэй болжээ. Тухайлбал, Архангай аймгийн Өндөр Улаан, Ихтамир сумдад энэ сарын 12-ны орой их хэмжээний хүчтэй аадар бороо орсноос эдгээр нутагт замын далан сэтэрч эвдэрснийг Архангай АЗЗА ТӨХК өчигдөр засварлаж, зам давааг саадгүй болгосон талаар Тээврийн цагдаагийн албанаас мэдээлсэн байна.