1 мин

Нэг залуутай зэрэг уулздаг байснаа мэдсэн 3 БҮСГҮЙ найзалж, хамтдаа аялалд гарчээ

Г.Сүрэн 2021.07.19

Нэг залуутай зэрэг болзож, хууртаж байснаа мэдсэн 3 бүсгүй нэгэн зэрэг "хөгийн" залууг хаяж, хоорондоо найзлах болжээ. Ингээд гурвуул хамт Өмнөдийг зорин аялалд гарахаар шийдсэн аж. 19 настай Аби Робертс, 18 настай Бека Кинг, 21 настай Морган Табор нар хоёр сар хагас гаруй хугацаанд хуучин сургуулийн автобусыг засч янзлан аяллын бүхээг болгожээ.

Тэд аяллынхаа дурсамжийг хадгалахаар нэрнийхээ эхний үсгүүдийг цуглуулан "The Bam Bus" нэртэй инстаграм хаяг нээсэн бөгөөд даруй 46.8 мянган дагагчтай болоод байна.

View this post on Instagram

A post shared by FINE CREW (@the.bam.bus)

Тэд энэ онд нэг залуутай болзож буйгаа мэдсэн бөгөөд нэгэнтэйгээ холбогдон ярилцжээ. Ингээд тэд гурвуулаа уулзсан бөгөөд "нөгөө залуу"-г дуудан гурвуулаа зэрэг салжээ. "Би охидыг хараад, хэн хэн маань үүнээс илүүг хүртэж, хайрлуулах эрхтэйг мэдсэн. Тэгээд л асуудал бидэнд биш "хөгийн" залууд байгааг анзаарсан. Бид одоо хамт аялж, ууланд гарч, байгалийн сайхныг мэдэрч, нөхөрлөлийн үнэ цэнийг ойлгож, жаргалтай байна" гэж Аби ярьсан юм.

Эх сурвалж: Washington Post