"John Wick"-ийн шинэ ангид жүжигчин Иэн МакШейн эргэн ирнэ
Алдарт жүжигчин Киану Ривзийн гол дүрийг нь бүтээсэн "John Wick" киноны ээлжит шинэ анги 2022 оны тавдугаар сард цацагдахаар төлөвлөгдөж буй.
Тэгвэл 2014 онд эхний анги нь үзэгчдэд хүрсэн уг киноны 4-р буюу шинэ ангид жүжигчин Иэн МакШейн Уинстоны дүрээр эргэн ирэх тухай найруулагч Чад Стахелски мэдэгдлээ. "Түүний дүрийг эргэн авчрах нь бидний хувьд маш нэр хүндтэй алхам. Уинстон "John Wick"-ийн ертөнцийг бүтээхэд нөлөө бүхий нэгэн" гэж тэрээр хэлжээ.
Шинэ ангийн зураг авалт өнгөрсөн тавдугаар сард эхэлсэн бөгөөд Франц, Герман, Япон зэрэг улсуудад зураг авалтыг хийх юм. Жүжигчдийн бүрэлдэхүүнд Донни Йен, Хироюки Санада, Рина Саваяма, Шамье Андерсон нар багтжээ.
Эх сурвалж: Deadline.com