Токио-2020 | Монгол улсыг жүдогийн төрөлд 2, боксын төрөлд 1 медаль авна гэж таамаглажээ
Энэ удаагийн Токиогийн олимпийн тэргүүн байранд орсон тамирчдад гардуулах медаль нь анх удаа дахин боловсруулсан металлаар хийгдэж буйгаараа онцлогтой юм. Одоогийн байдлаар зохион байгуулагчид нийт 33 спортын төрөлд олгогдох 339 алтан медалийг бэлтгээд байгаа ажээ. Тэгвэл дэлхийн энх тайвны бэлэг тэмдэг болсон Олимпийн XXXII их наадмыг медалийн тоогоороо аль улс тэргүүлэх бол?
Энэхүү асуултад урьдчилан хариу өгөхөөр таамаглал дэвшүүлдэг Best sport олон улсын вэбсайт нь их хэмжээний мэдээллийн санд тулгуурлан, мэргэжилтэн судлаачидтай хамтарч статистикийн аргаар аль улс хэдэн медаль авахыг тооцоолон гаргажээ. Энэхүү тооцооллын үр дүн олимпийн наадам явагдахтай зэрэгцэн шинэчлэгдсээр байдаг гэнэ. Тус сайтаас гаргасан тооцоололд Монгол улсыг жүдо бөхийн төрөлд нэг мөнгө, нэг хүрэл болон боксын төрөлд нэг хүрэл медаль тус тус авна гэж таамаглажээ. Харин АНУ-ыг 122 медаль авч олимпийн наадмын медалийн буухиаг тэргүүлнэ гэж үзсэн бол удаах байруудад ямар улс орохоор таамагласныг дараах хүснэгтээс харна уу: