1 мин

Нас барсан АНИМЭ дүрүүдэд зориулан хүндэтгэлийн үзэсгэлэн гаргажээ

Г.Сүрэн 2021.07.23 6 2

4

Тайландын 2D артист Жинифа нас барсан анимэ дүрүүдэд зориулан хөргийг нь зурж, үзэсгэлэн гаргажээ. Нийт 50 дүрээс бүтэх энэхүү үзэсгэлэн нь багахан хэмжээний хүндэтгэлийн зорилготой бөгөөд дүр бүрийн өмнө хүндэтгэлийн идээ үлдээх зай гаргаж өгчээ. 

Жинифа "Зохиолын баатрууд ч хүмүүсийн амьдрал маш их нөлөө үзүүлж, хайртай хүн шиг нь орон зай эзэлдэг. Би тэднийг яг л гэр бүлийн хүмүүс шигээ хайрлаж, боддог байсан. Тиймээс тэдний хөргийг зурж, яг л жинхэнэ хүмүүс шиг хүндэтгэл үзүүлье гэж шийдсэн" гэжээ. 

Артист бүсгүй зургуудаа зөвхөн фэн арт төдий үлдээхийг хүссэнгүй. Харин сэтгэлд дотно үлдсэн дүрүүдийг үзэгчдэд эргэн сануулж, дотны хүн шигээ салах ёс хийж, ярилцах боломж олгохыг зорьжээ. 

"Attack On Titan" анимийн Сашагийн зургийн өмнө төмс үлдээсэн бүсгүй "Түүнийг төмсөнд дуртай гэдгийг бүгдээрээ мэднэ. Түүнийг үхэхэд гашуудахаасаа илүү хэзээ ч мартахгүй юм шүү гэж өөртөө сануулсан" гэжээ.

 Эх сурвалж: 9gag

Г.Сүрэн 2021.07.23

4