Цэнхэр тэнгэрийн цаана | ЛГБТИК+ сэдэвт богино хэмжээний кино уралдаан зарлагдлаа
ЛГБТ төвөөс жил бүрийн наймдугаар сард уламжлал болгон зохион байгуулдаг “Тэгш эрх, бахархлын өдрүүд”-ийн хүрээнд “Цэнхэр тэнгэрийн цаана - 2021” богино хэмжээний кино уралдаан 9 дэх жилдээ зарлагдаад байна. Тус наадмаар дамжуулан Монголын нийгэм дэх ЛГБТИК+ олон нийтийн амьдрал, өнөөгийн нөхцөл байдлыг тусган харуулах зорилготой ба уралдааны талаар дэлгэрэнгүй мэдээллийг дор хүргэж байна.
Уралдааны зорилго:
- Монгол дахь ЛГБТИК+ хүмүүсийн тухай болон бэлгийн чиг баримжаа, хүйсийн баримжаа, илэрхийллийн талаарх зөв ойлголт, мэдээллийг кино урлагаар дамжуулан нийгэмд түгээх
- Кино уран бүтээлчдийг хүний эрхийн төлөө дуу хоолойгоо уран бүтээлээрээ дамжуулан хүргэх боломжийг дэмжих
- Монголын ЛГБТИК+ сэдэвт богино хэмжээний кино бүтээлийн сан үүсгэх.
Тавигдах шаардлага:
- Үргэлжлэх хугацаа 5-20 минут (кредит багтсан)
- 2020 – 2021 оны хооронд бүтээгдсэн
- Монгол дахь ЛГБТИК+ хүмүүсийн тухай, ялгаатай байдлын талаарх зөв ойлголт, мэдээллийг агуулсан байх
- Бичлэгийн чанар 1920×1080 (1080p) буюу түүнээс дээш
- MP4 өргөтгөлтэй байх
- Зохиогчийн эрхийн зөрчилгүй байх
- Англи хадмал орчуулгатай байх
- Постер зургийг хавсаргасан байх
- Нэг уран бүтээлч, уран бүтээлийн баг дээд тал нь 3 бүтээлээр бүртгүүлэх боломжтой (Цэнхэр тэнгэрийн цаана 2020-д оролцож байсан бүтээлээрээ дахин оролцох боломжгүй)
Үнэлгээний журам:
- Кино зохиол, агуулга (50%)
Гүйцэтгэл (50%)
Бүтээлийг 8-р сарын 10-ныг дуустал "[email protected]" хаягаар эсвэл ЛГБТ Төвийн оффист хүлээн авах ба шилдэг уран бүтээлд 3,000,000 сая төгрөгийн мөнгөн шагналыг олгоно. Уралдаанд шалгарч Цэнхэр тэнгэрийн цаана ЛГБТИК+ сэдэвт кино наадмын дэлгэцнээ гаргах кино бүтээлүүдийг 2021 оны 8-р сарын 20-нд ЛГБТ Төвийн цахим хаягуудаар зарлах болно.
2019 оны шилдэг бүтээл болох “Youth LEAD” багийн “Hidden Love” богино хэмжээний кино:
2020 оны шилдэг бүтээл болох "HOVIS" entertainment багийн "БИ Ч ЭРХТЭЙ" богино хэмжээний кино:
Та бүхэн бэлгийн чиг баримжаа, хүйсийн баримжаа, илэрхийллийн тухай ЭНД дарж дэлгэрэнгүй мэдээлэл авах боломжтой.