1 мин

ФОТО ТОЙМ: Монгол тамирчид "Токио 2020" олимпын дэвжээнээ

Г.Сүрэн 2021.07.27

#1 Монголын жүдоч, ОУХМ Ц.Цогтбаатар Канадын жүдоч Артур Маргелидоныг ялснаар -73 кг жинд олимпын хүрэл медалийн эзэн боллоо.

#2 Монголын 3х3 сагсан бөмбөгийн эмэгтэйчүүдийн шигшээ баг Францын багт 22:18 харьцаагаар тун ойрхон ялагдлаа. Тэд долдугаар сарын 27-нд дараагийн тоглолтоо БНХАУ-ын багтай хийнэ.

#3 МУГТ М.Уранцэцэг хүрэл медалийн төлөө Португалийн Катарина Костатай барилдаж, ялалт байгууллаа. Тэр "Токио 2020" олимпын анхны медалийг эх орондоо авчирсан юм.

#4 ОУХМ Б.Болор-Эрдэнэ эхний тоглолтондоо Тунис улсын тамирчинг илүүрхэн анхны хожлоо авлаа. Эмэгтэй ширээний теннисний тамирчин Б.Болор-Эрдэнэ нь 18 настай бөгөөд Монголын багийн хамгийн залуу тамирчин юм.

#5 Боксын төрөлд ДАШТ-ий хүрэл медальт, Азийн наадмын болон Азийн аварга, Гавьяат тамирчин Э.Цэндбаатар Кени улсын тамирчин Николас Оконго Окототай таарч, цохилт хийснээр ялалт байгууллаа. Тэр долдугаар сарын 28-нд Вьетнамын тамирчинтай оноолт таараад байна.

#6 Байт харвааны төрөлд ОУХМ Б.Урантунгалаг 614 оноогоор эхний өдөр нийт 64 тамирчнаас 58-р байранд орлоо.

#7 Байт харвааны төрөлд ОУХМ Б.Отгонболд урьдчилсан харваанд 72 сум тавьж, 536 оноогоор 54-т бичигдлээ.

#8 Армийн дэлхийн аварга, Үндэсний шигшээ баг, “Алдар” спорт хорооны тамирчин Б. Чинзориг Токиогийн олимпын рингэнд 63 кг-ийн жинд Узбекистаны тамирчин Абдураимов Элнурт 4:1-ээр хожигдлоо.