Токио 2020 | Э.Цэндбаатар Вьетнамын боксчинг 5:0 харьцаатай ялж, шилдэг 8-т шалгарлаа
“Токио-2020” Зуны XXXII олимпын наадмын боксын -57 кг жинд Монгол Улсын гавьяат тамирчин, ДАШТ-ий хүрэл медальт тамирчин Э.Цэндбаатар оролцож буй. Тэр дөнгөж сая олимпын хоёр дахь тулаанаа Вьетнамын тамирчин Нгуен Ван Донгтой хийж, 5:0 харьцаатай ялснаар шилдэг 8-т шалгарлаа. 24 настай залуу боксчин Э.Цэндбаатар өмнөх тулаанаа Кени улсын тамирчин Окоч Николас Оконготой хийж, 3:2 харьцаатай ялалт байгуулсан юм.
Тэр дараагийн тоглолтоо наймдугаар сарын 1-нд хийнэ.
“Токио-2020” олимпын наадмын боксын төрөлд эрэгтэйчүүдийн 8 жинд 187 тамирчин оролцож байна.
Одоогоор Монголын шигшээ баг 1 мөнгө, 2 хүрэл медаль хүртсэн бөгөөд нийт улсуудаас чансаагаараа 35-рт бичигдэж байна.