Унтаж байхад нь сэрээх чалленж явуулсан залуу 16,000 ам.доллар олжээ
Унтаж байхад нь чанга чимээгээр сэрээх чалленж явуулсан АНУ-ын Лос Анжелест амьдардаг 26 настай Энди гэх стриймер залуу нэг шөнийн дотор 16,000 ам.доллар олжээ. Түүний дансанд мөнгө хандивлах бүрт утас нь чанга дуугарах бөгөөд үзэгчид гар утсанд нь мессеж бичиж янз бүрээр сэрээсээр стриймер залуу шөнийн турш нэг хором ч тайван унтаж чадаагүй гэнэ.
"Asian Andy" нэртэй түүний суваг 1.14 сая гаруй дагагчтай бөгөөд 7 цагийн нойроо "хугаслан" ийнхүү их хэмжээний ашиг олсон анхны тохиолдол юм. Тэр бичлэгийнхээ төгсгөлд "Та бүхэнд баярлалаа. Би цагийн 16 доллароор такси дуудлагын компанид ажилладаг байсан. Талыг нь хандивлах болно" гэжээ.
Эх сурвалж: Buzzfeed