1 мин

Нэг хундага алкохол нэмж уух бүрт тархи 2 жилээр хөгширдөг

Г.Сүрэн 2022.03.14 1 1

4

Их Британийн идэр насны 36 мянган хүнд явуулсан судалгаагаар өдөрт нэгээс хоёр хундага архи уудаг хүмүүсийн тархи агшиж, нэмж уух бүрт тархины саарал эд нь түргэн хугацаанд хөгширдөг нь тогтоогджээ. Өдөрт 1-2 хундага уучхаад удаа дараах хундагыг уух бүрт тархи 2, 2 жилээр илүү "насалдаг" байна. 

Тархины мэдрэлийн эсийг агуулагч саарал эд нь алкохолны нөлөөнд тун амархан устдаг. Өдөрт нэг шил шар айраг, нэг хундага дарс уухад тархины эсүүд тодорхой хэмжээгээр үхждэг бол үүн дээрээ нэмж уух бүрт хоёр дахин хорт нөлөө үзүүлсээр байх юм. АНУ-ын Пенсильванийн их сургуулийн эрдэмтдийн удирдсан судалгаагаар өдөрт 2-3 хундага алкохол уудаг хүмүүс дунджаар 3.5 жилийн дотор мэдрэлийн өвчлөлд өртдөг нь тогтоогдож байжээ. 

ДЭМБ-аас өдөрт ууж болох алкохолны "аюулт" хэмжээг заагаагүй байдаг ч улс орнууд "зохих ёсны" хэмжээ гэж байхгүйг анхааруулсаар байна. Хятад улсад л гэхэд 2007-2017 оны хооронд алкохолноос үүдэлтэй амиа алдагсдын тоо 2 дахин нэмэгдсэн нь буруу хооллолт, тамхидалтын дараагаар 3-рт бичигдэх хорт зуршил юм. 

Эх сурвалж: SCMP 

Г.Сүрэн 2022.03.14

4