1 мин

"Шалтгаангүй сэтгэл түгших" эмгэгтэй хүний шинжүүд + Яах вэ?

Г.Сүрэн 2022.04.01 2 1 1

Аливаа нэг тодорхой шинж тэмдэгт үл хамаарах сэтгэл түгших эмгэг нь гэнэтийн айдас, сэтгэл гутрал, санаа зовнилоор илэрдэг. Сэтгэл түгшүүрийн ерөнхий эмгэгийн үед ихэвчлэн тохиох бөгөөд бусад төрлийн хам шинжүүдтэй хавсарч болдог байна. "Free-Floating Anxiety" буюу "шалтгаангүй сэтгэл түгших" эмгэгийн үед дараах шинжүүд илэрнэ. 

• Сэтгэл түгших
• Айх
• Бухимдах
• Тайван бус байх
• Санаа зовних
• Байнга ядрах
• Балмагдах
• Нойргүйдэх
• Уурлаж уцаарлах

Илэрч болох бусад архаг шинж тэмдгүүд:

• Анхаарал сулрах
• Төвлөрөх чадвар муудах
• Хэт ядаргаанд орох
• Өдөр тутмын зүйлст хэт их санаа зовох
• Цочимтгой болох
• Булчингаар зовуурилах
• Огт нойргүй болох

АНУ-д явуулсан судалгаагаар насанд хүрэгчдийн 2.7 хувьд нь уг эмгэг илэрсэн бөгөөд эмэгтэйчүүд эрэгтэйчүүдээс хоёр дахин их эмгэгт хамрагдах магадлалтай байдаг аж. Хэрвээ танд ч бас дээрх шинж тэмдгүүдээс 3-аас их нь хоёр долоо хоногоос илүү хугацаанд илэрч байгаа бол мэргэжлийн сэтгэл зүйчид хандахыг Олон улсын Сэтгэл судлалын хүрээлэнгээс зөвлөжээ. 

Стресс багасгах, нойрны хэмийг тогтворжуулах, дархлаагаа дэмжих, амин дэмээр баялаг хоол хүнс хэрэглэх, бясалгал хийх гэх мэт дараах энгийн аргуудыг та хэрэгжүүлж болох юм. 

• Эрүүл бус тайвшруулах аргуудаас зайлсхийх. Согтууруулах ундаа, донтуулах төрлийн бодис, тамхи, утаат бүтээгдэхүүн нь богино хугацаанд биеийг хүчээр тайвшруулдаг ч удалгүй хор хөнөөл нь мэдрэгдэж, сэтгэлээр унах шалтгаан болдог.
• Эрүүл хооллох. Биедээ эрүүл хоол хүнс авах нь цусны эргэлтийг сайжруулж, бие сэтгэлийг сэргээхэд нөлөөлдөг. 
• Тайвшруулах эрүүл аргуудыг хэрэгжүүлэх. Бясалгал, амьсгалын дасгал хийх нь ухаан санааг тайтгаруулах болно.
• Каффейний хэмжээг багасгах. Кофе уухаас татгалзаж оронд нь ногоон цай, цэвэр жимсний шүүс уугаарай. Каффейний хэрэглээ нэмэгдэхэд зүрхний ачаалал нэмэгдэж, нойргүйдэх, ядаргаанд амархан ороход нөлөөлдөг байна.

Эх сурвалж: Psych2Go

Г.Сүрэн 2022.04.01