1 мин

"Queen's Gambit" киноны од Аня Тейлор-Жой нууцаар гэрлэжээ

О.Анхзаяа 2022.07.19 4 1

2

"Queen's Gambit" киногоороо олны анхаарлыг татсан үзэсгэлэнтэй жүжигчин бүсгүй Аня өөрийн найз залуу Малколм Макрейтэй хуримаа хийсэн тухай мэдээ Page Six сайтаар цацагдлаа.

Өдгөө 26 настай жүжигчин бүсгүй 27 настай хөгжимчин, жүжигчин найз залуу Малколмтой сүй тавьсан байх магадлалтай байгаа тухай мэдээ өнгөрсөн сард цацагдаж байсан билээ. 

Жил гаруй хугацаанд үерхэж буй хосууд анх 2022 оны 2 сард Оскарын шагнал гардуулах ёслолын afterparty дээр хамтдаа улаан хивсэн дээгүүр алхаж байсан юм. 

Тэд Австрали руу явахаасаа өмнө АНУ-д хуримаа хийсэн болохыг эх сурвалж мэдээлжээ. Тэд нам гүм цомхон хурим хийж, энэ тухайгаа олноос нууцалжээ.

Аня одоо "Mad Max" киноны дараагийн хоёр төсөл дээр ажиллаж байгаа билээ. 

Тэрээр "Би эцэст нь хөгширсөн хойноо хамтдаа аз жаргалтайгаар ном уншин чимээгүй сууж байх хүнээ олсон. Бид нэгэн зэрэг 80 настай, эсвэл 7 настай мэт байж чаддаг. Энэ үнэхээр гайхалтай" хэмээн өөрийн нөхөр Макрейн тухай хэлжээ.

О.Анхзаяа 2022.07.19

2