Disney компанийн платформууд хэрэглэгчийн тоогоороо Netflix-ийг давлаа
Өнгөрсөн долдугаар сарын байдлаар "Walt Disney" компанийн эзэмшдэг гурван платформ дэлхий даяар 221 сая хэрэглэгчтэй болсноор Netflix-ийн 220.6 сая хэрэглэгчийн тоог давж, дэлхийд тэргүүллээ.
"Walt Disney" компанийн Disney+ платформ 152.1 сая, Hulu 46.2 сая, ESPN+ нь 22.8 сая хэрэглэгчтэй болжээ.
Энэ онд Netflix-ийн хэрэглэгчдийн тоо сүүлийн 10 жилд анх удаа буурч, гурван сарын хугацаанд 200,000 хэрэглэгч тус сүлжээг орхижээ. Тус платформ ОХУ-д үйл ажиллагаагаа зогсоосон, АНУ болон Их Британид үнээ нэмсэн нь голлон нөлөөлсөн бөгөөд цар тахлын үед огцом өссөн хэрэглэгчийн тоо цар тахлын дараа эргэн буурчээ.
Мөн Netflix нь бусдын хаягийг төлбөр төлөлгүй ашигладаг хүмүүсээс нэмэлт төлбөр авдаг болохоо зарласан нь хэрэглэгч буурахад нөлөөлсөн гэнэ.
Эх сурвалж: BBC