1 мин

Владимир Путин 10 хүүхэд төрүүлсэн ээжүүдэд НЭГ сая рубль олгоно гэлээ

Г.Сүрэн 2022.08.19

ОХУ-ын Ерөнхийлөгч Владимир Путин 10 ба түүнээс дээш хүүхэд төрүүлсэн орос ээжүүдэд нэг удаа нэг сая рубль олгох тухай мэдэгдлээ. ОХУ-ын хүн ам буурч буйг харгалзан тэрээр 1944 онд ЗХУ-ын удирдагч Сталины санаачлан хэрэгжүүлж байсан "Баатар эх" шагналыг эргэн сэргээхээр болжээ. 1944 онд уг шагналаар 10 хүүхэдтэй 400 мянган ээжийг шагнаж байжээ. Улмаар 1991 онд ЗХУ задарснаар шагналыг олгохоо больсон түүхтэй.

10 хүүхэд төрүүлсэн, хүүхэд бүр нь ОХУ-ын иргэн байх, есөн хүүхэд нь амьд сэрүүн байх шаардлагатай талаар ТАСС агентлаг мэдээлжээ. Хэрэв аль нэг хүүхэд нь дайнд оролцож яваад "эх орныхоо нэрийн өмнөөс" таалал төгссөн бол мөн хамруулан тооцно гэжээ.