Өсвөр насны хүү Эйнштейний харьцангуйн онолыг тайлбарласан бичлэгээрээ 400,000 ам.доллар хожжээ
Олон улсын дунд ахлах сургуулийн сурагчдын дунд зохион байгуулдаг технологи, шинжлэх ухаан, математикийн "Breakthrough Junior Challenge" тэмцээний ялагчаар Охайо мужийн 18 настай сурагч Райан Честер тодорч, 400 мянган ам.долларын шагнал хүртжээ.
Тэрээр Эйнштейний харьцангуйн онолыг 7 минутад тайлбарласан нь үнэхээр ойлгомжтой, хөгжөөнтэй, онолын үнэн зөв агуулгатай хэмээн сайшаагдсан байна. Тэр 400 мянган ам.долларын шагнал хүртэхээс гадна өөрийн сургуульдаа зориулан 100 мянган ам.долларын шинжлэх ухааны лаборатори бүтээх урамшууллыг ч авчээ.
Райан өөрөө бичлэгийнхээ зохиолыг бичиж, өөрөө найруулан хянан засварлаж, монтаж хийн, визуал эффект болон хөдөлгөөнт графикаар баяжуулжээ.
Эх сурвалж: The Guardian