1 мин

"Arcane" цуврал Эммигийн шагналт АНХНЫ видео тоглоомоос сэдэвлэсэн анимейшн боллоо

Г.Сүрэн 2022.09.06 2 1

Netflix платформын "Arcane" анимейшн цуврал энэ оны Эммигийн Бүтээлч урлагийн салбарын шагнал гардуулах ёслолоор "Шилдэг анимейшн бүтээл" шагнал хүртсэнээр анхны Эммигийн шагналт видео тоглоомоос сэдэвлэсэн цуврал боллоо. Есөн анги бүхий эл цуврал нь цацагдсан даруйдаа Netflix-ийн бүх цаг үеийн хамгийн өндөр үзэлттэй цувралын тоонд багтсан юм. 

"League of Legends" алдарт видео тоглоомоос сэдэвлэсэн "Arcane" цувралын зохиогч Кристиан өнгөрсөн бямба гарагт Лос-Анжелес хотноо шагналаа гардан авахдаа "Видео тоглоомтой 12 жилийн турш хамт байсан тоглогчдын хувьд дүрүүдийн цаад түүхийг дэлгэх нь гайхалтай тохиол байлаа. Та бүгдэд баярлалаа" гэжээ.

 "Arcane" мөн шүүгчдийн нэрэмжит "Шилдэг бие даасан амжилт" шагналыг давхар хүртэн, нэрт "Bob’s Burgers", "Rick and Morty", "The Simpsons", "What If…?" цувралуудын амжилтыг эвдсэн юм. 

Бүтээлч салбарын Эммигийн шагнал гардуулах ёслол явагдаж дууссан бол энэ оны Эммигийн ёслол энэ сарын 13-нд зохиогдох болно. 

Эх сурвалж: Emmys.com

Г.Сүрэн 2022.09.06