1 мин

Өмнөд Солонгосын жүжигчин Ли Жүн Жэ "Оддын дайн"-ы шинэ цувралд гол дүр бүтээнэ

Г.Сүрэн 2022.09.09 3 1

"Squid Game" киноны гол дүрийн жүжигчин Ли Жүн Жэ шинээр бүтээгдэж буй "Оддын дайн" цувралын "The Acolyte" нэрт цувралын гол дүрд тоглохоор болжээ. "Оддын дайн"-ы эхний ангиас 100 гаруй жилийн өмнөх түүхийг өгүүлэх "The Acolyte" цуврал нь 2023 оны наймдугаар сард нээлтээ хийнэ. 

Харин шинэ цувралын эмэгтэй гол дүрийг 23 настай АНУ-ын жүжигчин Амандла Стенберг бүтээх юм. 

"The Acolyte" цувралын дүр нь жүжигчин Ли Жүн Жэгийн "Squid Game" цувралаас хойш авч буй анхны гол дүр юм. Ирэх даваа гарагт болох Эммигийн шагнал гардуулах ёслолд жүжигчин Ли Жүн Жэ "Драма цувралын шилдэг эрэгтэй гол дүр"-д нэр дэвшсэн бөгөөд "Squid Game" цуврал нийт 14 төрөлд нэр дэвшээд байна. 

Эх сурвалж: Variety

Г.Сүрэн 2022.09.09