1 мин

Удахгүй хараагүй болох хүүхдүүддээ дэлхийг үзүүлэхийг хүссэн КАНАД гэр бүл МОНГОЛООР аялжээ

Г.Сүрэн 2022.09.13

Канадын нэгэн гэр бүл өр өвтгөм бөгөөд сэтгэл дулаацуулам гайхалтай аялал хийж буй нь олны сэтгэлийг ихэд хөндөн догдлуулж байна. Эдит Лемей, Себастьян Пеллетье нар гэрлээд 12 жилийн хугацаанд дөрвөн хүүхэдтэй болж, том охиноо гурван настайд нь хэсэг хугацааны дараа хараагаа бүрэн алдах "ретинит пигментоз" гэх маш ховор төрлийн удамшлын өвчтэй болохыг олж мэджээ. Удалгүй Колин, Лаурент хоёр хүүгээ ижил төрлийн удамшилтайг оношлуулан, азаар тэдний 9 настай дунд хүү Лео харааны бэрхшээлгүй нь тогтоогджээ.

Хүүхдүүдээ хэсэг хугацааны дараа хараагүй болохыг мэдсэн эцэг эх "оройтохоос нь" өмнө гэр бүлээрээ аялалд гарч хүүхдүүддээ хорвоо дэлхийг таниулахыг хүсжээ. Ийн тэд 2020 оноос эхлэн Африкийн ширэнгэн ойгоос Замби, Танзаниар аялан, Турк руу нисэж, тэндээсээ Монголыг зорин элсэн цөл, хээр тал, хөдөө нутаг, Улаанбаатараар аялжээ. Тэд Монголын аяллаа өнгөрсөн наймдугаар сард дуусган Индонезийг зориод байна.

Зураг	Тайлбар

"Хүүхдүүдийн онош тодорхой боловч хугацаа нь тодорхойгүй. Идэр залуу насандаа хараагаа алдахаас нь өмнө бид хамгийн сайхан дурсамжийг тэдэнд үлдээж, хорвоо дэлхийн өнцөг булан бүрийг чадах чинээгээрээ үзүүлмээр байна. Тэдэнд зааны зургийг үзүүлэх биш амьдаар нь харуулж, дурсамжийг нь хамгийн үзэсгэлэнтэй газар нутгууд, хамгийн сайхан зураглалаар дүүргэхийг хүссэн" гэж ээж нь хэлжээ.

АНУ-ын Үндэсний хараа зүйн хүрээлэнгийн мэдээллээр "ретинит пигментоз"-ийн шинж тэмдэг ихэвчлэн бага насанд илэрдэг бөгөөд бага багаар хараагаа алдсаар удалгүй бүрэн хараагүй болдог байна.