Аль-Иттихадын хөгжөөн дэмжигчид Криштиану Роналдуг угтахдаа "Месси, Месси" хэмээн орилолджээ
Саудын Арабын Супер цомын хагас шигшээгийн тоглолт өнгөрсөн шөнө Аль-Иттихад болон Аль-Насср багуудын хооронд Хаан Фахдын нэрэмжит олон улсын цэнгэлдэхэд явагдлаа. Ойрхи Дорнод руу өндөр дүнтэй шилжилт хийснээс нь эхлэн хаан мэт харьцаж байсан Роналдуг энэ үдэш урьдын адилаар таатай угтсангүй.
Аль-Иттихадын хөгжөөн дэмжигчид түүнийг тоглох үед "Месси, Месси" хэмээн дуулалдаж байв.
Уг тоглолтод Аль-Наср 3:1-ээр хожигдон Супер цомын тэмцээнийг өндөрлүүлсэн юм. Роналду Аль Нассрын төлөө хоёр тоглолтод оролцсон ч гоол оруулж чадсангүй. Энэ нь түүний хувьд тун таагүй эхлэл юм. Аль-Насср Супер цомд сүүлийн хоёр жил дараалан түрүүлээд байв.
Тэд баасан гарагт Про лигийн хүрээнд Аль Фатехтэй тоглоно.
Зочин 2023.01.28 202.126.89.104
Роналду гялалзаж чадахгүй. Биеэ тоосон байдал нь саад болно. Мөн араб тоглогчдын ур чадвар маш өндөр.
0 0 Хариулах