Энзо Фернандес 106.8 сая фунтын үнэд хүрч, Премьер лигийн хамгийн үнэтэй хөлбөмбөгчин боллоо
Челси клуб өвлийн солилцоо наймааны цонх хаагдах мөчтэй зэрэгцэн Португалын Бенфикагаас 22 настай Энзо Фернандесийг эгнээндээ нэгтгэв. Тэрээр Челсид 2031 оны зургаадугаар сарыг дуустал тоглох юм. Харин Челси түүний үнийг зургаа хувааж төлөх бөгөөд урьдчилгаанд 40 сая фунтыг шилжүүлжээ.
Энэ нь түүнийг Английн Премьер лигийн хамгийн үнэтэй хөлбөмбөгчин болгоод байна. Мөн түүний төлбөрийн 25 хувийг Ривер Плейт клуб авна. Учир нь Энзо Фернандес тус багийн академиар хөлбөмбөгийн боловсрол эзэмшсэн билээ.
Тэрээр өнгөрсөн сард хөлбөмбөгийн ДАШТ-д түрүүлж, шилдэг залуу хөлбөмбөгчнөөр тодорсон юм.