Чингэлэгт нуугдаж тоглож байсан хүүг 6 өдрийн дараа өөр улсаас олжээ
Бангладешийн нэгэн хүү найзуудтайгаа боомтын ойролцоо нуугдан тоглож байгаад ор сураггүй алга болсон нь гэр бүлийнхэн төдийгүй нутгийнхны санааг чилээж байв. Тэгвэл тэр тоглож байгаад чингэлэгт орж нуугдан, улмаар чингэлэгтэйгээ хамт усан онгоцонд ачигдаж зургаан өдрийн дараа Малайзад очсон нь тогтоогджээ.
Хүү олон хоногийн турш хоол хүнсгүй битүү орчинд байсан тул биеийн байдал нь сайнгүй байгаа, хүүг олсон даруйдаа эмнэлгийн тусламж үзүүлсэн талаар Малайзын Дотоод хэргийн албаныхан мэдээлжээ. Мөн хүүг тэнхэрмэгц хуулийн шугамаар эх оронд нь буцаана гэжээ.
Хүүг алга болоход гэрийнхэн нь хүний наймааны золиос болсон хэмээн эмээж, улс даяар эрэн сурвалжилж байсан бол мөрдөн байцаалтын үеэр хүүг тоглож байгаад чингэлэгт орж нуугдсан нь тогтоогдож, ул мөрөөр нь байршлыг нь тогтоожээ.
Эх сурвалж: India Times