1 мин

Юүтүбер "Pewdiepie" аав болох гэж байгаагаа зарлалаа

Ub.life 2023.02.06 1

Швед гаралтай юүтүбер Pewdiepie буюу Феликс Кжелберг аав болох гэж буйгаа зарлажээ. Энэ талаар тэр сүүлд оруулсан видео бичлэгтээ дурдсан юм.

Феликс “Би аав болох гэж байгаагаа та нараас нууж байсан юм. Марзиаг жирэмсэн болсныг бид өнгөрсөн арваннэгдүгээр сард мэдсэн” гэжээ.

Минут 30 секунд үргэлжлэх уг бичлэгт түүний эхнэр Марзиагийн гэдэс томорсон байгаа зураг, бичлэгүүдийг оруулсан ба Феликс үүнд ямар их баяртай байгаагаа өгүүлсэн байна.

Хосууд найман жил үерхсэний дараа 2019 онд хуримаа хийж эхнэр нөхрөө баталгаажуулсан юм. “Тэр бол миний мэдэх хамгийн хайр татам, халамжтай эмэгтэй. Би түүнийг гайхалтай ээж болно гэдэгт эргэлзэхгүй байна” гэж Феликс бичлэгтээ дурдаад хүүхэдтэйгээ уулзахыг тэсэн ядан хүлээж байна гэжээ.

Эх сурвалж: CNN

Ub.life 2023.02.06