Лионел Мессигийн хөшөөг биеийнх нь бодит хэмжээгээр бүтээлээ
Парагвайн Луке хотноо байрлах Өмнөд Америкийн хөлбөмбөгийн холбооны төв байранд Лионел Мессигийн биеийнх нь бодит хэмжээгээр бүтээсэн хөшөөний нээлт болов. Энэхүү хөшөөг цаашид тус холбооны музейд Пеле, Диего Марадона нарын хөшөөний хажуугаар зэрэгцүүлэн байрлуулах юм. Өмнөд Америкийн хөлбөмбөгийн холбооноос ДАШТ-д түрүүлсэн Аргентиний шигшээ багийнханд хүндэтгэл үзүүлэх үеэр уг үйл ажиллагаа явагдсан байна. Месси хөшөөний нээлтэд оролцохдоо ДАШТ-д түрүүлсэн нь түүний хувьд ямар их утга учиртай ялалт болохыг батлан өгүүлжээ.
Лионел Месси дөрвөн өдрийн өмнө Панамын шигшээ багтай хийсэн нөхөрсөг тоглолтод карьерийнхаа 800 дахь гоолыг оруулаад байгаа билээ.