2 мин

“UNLOCK сургалтын тэтгэлэг, ментор хосолсон хөтөлбөр”-т яг одоо хамрагдах 5 шалтгаан

Г.Сүрэн 2021.05.07

Шинэ содон, шилдэг номын тухай ярилцдаг Монголын хамгийн олон сонсогчтой "UNLOCK Podcast"-ийн зүгээс дотоодын их, дээд сургуульд суралцаж буй оюутан залууст зориулан "UNLOCK сургалтын тэтгэлэг, ментор хосолсон хөтөлбөр"-ийг зарлажээ. Уг хөтөлбөрт материалаа явуулах эсэхдээ эргэлзэж байвал яг одоо таны мэдвэл зохих шалтгаануудыг хүргэж байна.

#1 Мэргэжил харгалзахгүй, ижил тэгш боломж

"UNLOCK Podcast"-ийн сонсогч, дотоодын их дээд сургуулийн бакалавр, МСҮТ, коллежид суралцаж буй оюутан залууст уг хөтөлбөр нээлттэй. Хариуцлагатай, сурах хүсэл чин эрмэлзэлтэй л бол өөр бусад онц шаардлага байхгүй тул өөрийгөө бүү голоорой. Яг одоо хүсэлтээ явуулахад л болно. Аа нээрэн, давхар ижил төрлийн тэтгэлэгт хамрагдаагүй байх хэрэгтэй шүү. Ижил тэгш боломжийг бүрдүүлэхийн тулд тэр шүү дээ.

#2 1:1 буюу ганцаарчилсан ментортой хөтөлбөр

Харвард, Стэнфорд гэх мэт олон улсын тэргүүлэгч их дээд сургуулийн төгсөгч, салбартаа гурав болон түүнээс олон жил ажилласан чадварлаг мэргэжилтнүүд уг хөтөлбөрийн ментороор ажиллана. 1:1 буюу зөвхөн чамд зориулагдсан нэг ментор байх тул суралцахад бүр ч таатай байх болно.

#3 Шалгаруулалт нь тийм ч "хүнд хэцүү" биш

Эхний шатны шалгаруулалт тавдугаар сарыг дуустал үргэлжилнэ. Тэнцсэн оролцогчидтой хоёрдугаар шатанд ярилцлага хийж, нийт 13 оролцогчийг шалгаруулна. Эхний шатанд цахим өргөдлийг бөглөхөд л хангалттай.

#4 Өөрийгөө нээх, хөгжүүлэх талбар

Уг хөтөлбөрт оролцсоноор дараах давуу талуудтай:

Мэргэшсэн судлаачид болон тухайн салбартаа 3 болон түүнээс дээш жил ажилласан менторуудтай ганцаарчлан ажиллана.
Хувь хүний хөгжлөө сайжруулж, өөрийгөө илүү танин мэднэ.
Олон төрлийн даалгавар биелүүлж, өөрийгөө сорино.
Ажлын талбарт хэрэглэдэх ур чадваруудад суралцана.
Хөтөлбөр урт хугацаанд үргэлжлэх тул тууштай байснаар амьдралд тань нөлөөлөх туршлагуудтай болно.

#5 2 сая төгрөгийн сургалтын төлбөрийн тэтгэлэг

Тэтгэлэг, ментор хосолсон хөтөлбөр тул сургалтын төлбөрийн 2 сая төгрөгийн тэтгэлэг олгох болно. Өргөдөл хүлээн авах сүүлийн хугацаа нь тавдугаар сарын 31-ны өдөр 23:59 минут хүртэл гэсэн шүү.