Мишель Обамагийн подкаст бусад платформуудаар цацагдаж эхэллээ
АНУ-ын Ерөнхийлөгч асан Барак Обамагийн гэр бүл хөгжмийн зах зээлийн томоохон тоглогчдын нэг Spotify-тай хамтран контент гаргахаар болсноо өнгөрсөн жил мэдэгдсэн билээ. Энэхүү гэрээний хүрээнд Мишель Обамагийн подкаст өнгөрсөн долоодугаар сараас зөвхөн Spotify платформ дээр байршиж, сонсогчдод хүрч эхэлсэн юм.
Тэгвэл уг подкастын эхний улирлын дугаарууд өнөөдрөөс эхлэн (есдүгээр сарын 30-аас) бусад платформуудад тавигдахаар болсон байна. Тодруулбал, Stitcher, Google, Apple, iHeart зэрэг платформ дээр үнэгүй байрших аж. Харин шинэ дугаарууд цаашид бусад сувгуудаар цацагдах эсэх нь тодорхойгүй, мөн талууд үүнийг гэрээндээ тусгасан эсэхийг Spotify-ийн мэдэгдэлд дурдаагүй байна.
Spotify сонсогчдоо нэмэгдүүлэхийн тулд Dope Labs, Son of Hitman, InCharge with DVF гэх мэт онцгой эрхийг нь авсан подкастуудаа бусад платформаар цацаж байсан юм.
Холбоотой мэдээлэл: Обамагийн гэр бүл "Spotify" платформ дээр подкаст хийхээр боллоо
Эх сурвалж: The Verge