Нохойн хуцах чимээг хүний сэтгэл хөдлөл рүү хөрвүүлдэг хүзүүвч гарчээ
Өмнөд Солонгосын старт-ап компани ухаалаг хүзүүвчээр дамжуулан нохдын сэтгэл хөдлөлийг хүнийх рүү хөрвүүлэхээр зорьж байна. Тодруулбал, Petpuls Lab компанийн хиймэл оюун ухаанд суурилсан хүзүүвч нь дуу таних технологийн тусламжтайгаар нохдын хуцах чимээг шинжилж, таван төрлийн сэтгэл хөдлөлийг илрүүлэх чадвартай аж.
Хүзүүвчийг гар утасны аппликэйнштэй холбосноор нохой жаргалтай, тайван, түгшсэн, ууртай, гунигтай байгаа эсэхийг эзэд нь мэдэх боломжтой юм байна. Мөн нохдын хөдөлгөөнийг давхар хэмжиж болдог гэнэ.
Petpuls Lab компани тус ухаалаг хүзүүвчийг бүтээхийн тулд гурван жилийн турш судалгаа хийсэн байна. Ойролцоогоор 50 өөр үүлдрийн 10 мянган орчим нохойн хуцах чимээг цуглуулсан бөгөөд чимээ бүрийн илэрхийлж буй сэтгэл хөдлөлийг ялгаж чаддаг алгоритм боловсруулахад үүнийг ашиглажээ.
Сөүлийн Үндэсний их сургуулийн хүзүүвчийг туршиж үзэхэд Petpuls Lab компанийн боловсруулсан алгоритм нохойн сэтгэл хөдлөлийн 90 хувь зөв тодорхойлж байгаа нь тогтоогдсон аж.
Хүзүүвч 99 долларын үнэтэй ба 2020 оны аравдугаар сараас эхлэн Petpuls Lab компанийн вэб сайтаар худалдаалагдаж эхлээд байна.
Холбоотой мэдээлэл: Муурны дуу авиаг үг болгож хөрвүүлдэг апп гарчээ
Эх сурвалж: People