19 дэх удаагийн хөлбөмбөгийн Азийн АШТ-ий плэй-оффын шатнаа Монгол болон Зүүн Тиморын багууд учраа таарч тоглолоо.
Өнөөдөр Индонезийн Бали аралд явагдсан эл хоёр багийн эхний тоглолтод Зүүн Тиморын шигшээ 4:1-ээр хожсон юм.
Зүүн Тиморын багаас Жоао Педро хэттрик толилуулсан бол Монголын шигшээгээс О.Мижиддорж гоолдов.
Б.Гарьдмагнай Үндэсний шигшээ багийн ахлах дасгалжуулагчийн ажлаа ялагдлаар эхлүүллээ. Хоёр багийн хариу тоглолт 9-р сарын 10-ны 16:00 цагаас Монголын хөлбөмбөгийн холбооны талбайд явагдана.
Улмаар нийлбэр дүнгээр аль ялсан нь дараагийн шатнаа өрсөлдөх юм.
Сонирхуулахад, Монголын баг 2015 онд ДАШТ-ий урьдчилсан шатнаа Зүүн Тиморын багтай таарч тоглохдоо 5:1-ээр хожигдож байв.
