Их эзэн Чингис хааны мэндэлсэн Монгол бахархлын өдрөөр улс, аймгийн цолтой 128 бөх барилдана. Энэхүү наадамд зодоглох бөхчүүдийг улсын аварга П.Бүрэнтөгс, О.Хангай нар магнайлж барилдахаар болжээ.
Түүнчлэн ойрын хугацаанд явагдсан заалны барилдаануудад бараа нь харагдаагүй бөхчүүдээс улсын заан М.Өсөхбаяр, Б.Бат-Өлзий, улсын харцага О.Мөнх-Эрдэнэ, цэргийн арслан Д.Цэрэнням нарын бөхчүүд бүртгүүлсэн байна.
Уг наадамд улсын цолтой 35 бөх зодоглоно.
Сонирхуулахад, энэ барилдаанд аварга Ч.Санжаадамба, гарди Ө.Бат-Орших нар хоёр удаа түрүүлсэн бол аварга П.Бүрэнтөгс, арслан Р.Пүрэвдагва, гарди Ц.Бямба-Отгон, Н.Ганбаатар нар, заан Д.Анар, начин Н.Баярбаатар нар тус бүр нэгэнтээ түрүүлээд байна.
Өнөө жил эл барилдаан арваннэгдүгээр сарын 02-ны бямба гарагт 12:00 цагаас бөхийн өргөөнөө болно.
