Үндэсний бөхийн холбооноос арваннэгдүгээр сард зохион байгуулахаар товлосон барилдаануудын хуваарийг зарлалаа. Сонирхолтой нь, энэ сард явагдах улс, аймгийн цолтнуудын барилдаанд 128 бөх оролцуулахаар хязгаарлажээ.
Арваннэгдүгээр сарын 9-нд Баянхонгор аймгийн Богд сумын 100 жилийн ойд зориулсан, улсын улам нэмэх начин Чулууны Баасанхүүгийн нэрэмжит барилдаан болно.
Залгаад арваннэгдүгээр 16-нд Өвөрхангай аймгийн Сант сумын харьяат улсын арслан Ономжавын Аюурын нэрэмжит барилдаан явагдах юм.
Түүнчлэн арваннэгдүгээр сарын 24-нд Монгол улсад ой модны салбар үүсэж хөгжсөний 100 жилийн ой, улсын арслан М.Мөнгөний нэрэмжит барилдаан товлогдсон бол арваннэгдүгээр сарын 26-нд Бүгд найрамдах улсаа тунхаглаж, Анхдугаар үндсэн хуулиа баталсны 100 жилийн ойд зориулсан уламжлалт барилдаан болно.
Харин энэ зуурт арваннэгдүгээр сарын 23-нд сумын цолтой болон залуу бөхчүүдийн ээлжит барилдаан явагдах бол арваннэгдүгээр сарын 30-нд “Хуурнин шуугигч” барилдааны 10 жилийн ойд зориулсан өсвөрийн барилдааны тов зарлагдаад байна.
