Кюүшюү башё: Зиндаа тус бүрийн аварга, тусгай шагналтнууд

Өчигдөр /2024.11.24/ Японы Фүкүока хотод мэргэжлийн сүмо бөхийн 11 дүгээр сарын тэмцээн өндөрлөлөө. Шинэ озэки Ооносатогийн дараалсан түрүү, ёкозүна болзол гэсэн сүр дуулиантай эхэлсэн башё хоёр ах озэкигийн сүүлийн өдрийн халз барилдаан хүртэл үргэлжилсэн өрсөлдөөнөөр хөшгөө хаасан юм. Котозакүра, Хоошёорюү нар түүнд арай болоогүй байгааг нь сануулж, Ооносато ч том туршлага хуримтлуулаад гэртээ харьлаа. Манай озэки Хоошёорюү энэ башёд тун хянамгай, нягт барилдаж, үзүүрлэлээ. Халз барилдаанд хөл алдаагүй бол түрүүгээ авахад ойрхон байлаа.

Ийнхүү Кюүшюүд ёкозүна Котозакүрагийн ач, комүсүби Котоновакагийн хүү Котозакүра 14 даваатай түрүүлж, анхныхаа Эзэн хааны цомыг гардан авсан юм. Тэрээр мөн 2024 оны хамгийн олон даваатай бөхийн шагналыг хүртлээ.

Монгол бөхчүүдийн хувьд сэкивакэ Киришима 50 хувийн амжилт үзүүлж чадалгүй, цолоо алдах нь гарцаагүй болсон. Сэтгэл зүйн нэг сэргэлт түүнд хэрэгтэй байгаа нь харагдлаа. Тэмцээний дундуур 40 нас хүрсэн Тамаваши 50 хувиа хийж, мэргэжлийн сүмо бөхийн нэгэн түүхийг бүтээсээр явна. Жюүрёод барилдаж байгаа Тамашёохо огцом тодорсноосоо хойш тун тогтвортой барилдаж, дээд зиндаанд дэвшихэд алхмын зайтай хүрээд иржээ. Харин макүшитагийн дээд хэсгийн монголчууд маань “эв найрамдалтайгаар” 3 давж, 4 унацгаалаа. Энэ зиндаад түрүүлэхийн төлөө Хокүтомарү тэмцсэн ч халз барилдаанд унаад 6 даваатай тэмцээнээ өндөрлүүлжээ.

Кюүшюү башё аваргууд

Макүүчи

Озэки Котозакүра 14:1

Садогатакэ дэвжээ, 27 нас

Чиба муж, 2015 оны 11 сараас барилдсан.

Жюүрёо

Барууны 1 Кинбозан 12:3

Кисэ дэвжээ, 27 нас

Казахстан, 2021 оны 11 сараас барилдсан.

Макүшита

Барууны 48 Осанаи 7:0

Такасаго дэвжээ, 25 нас