БНСУ-ын парламентын 300 гишүүнээс ордонд нэвтэрч чадсан 190 гишүүний бүгдийн саналаар Ерөнхийлөгч Юн Сок Ёлын зарласан Цэргийн онц байдлыг хүчингүйд тооцов.
Тэрбээр өнөө орой телевизийн гэнэтийн мэдэгдэл хийж Умард Солонгосын нөлөөллөөс улс орноо аврах зорилгоор үүнээс өөр гарц байсангүй гэж мэдэгдээд байсан юм. Гэсэн хэдий ч сөрөг хүчин буюу Ардчилсан нам, Ерөнхийлөгч Юн Сок Ёлын өөрийн төлөөлдөг Ард түмний хүч намын гишүүд ч тэр гэнэтийн энэ шийдвэрийг эсэргүүцсэн байр суурьтай байсан юм. Цэргийн онц байдлын улмаас парламентын ордонд нэвтрэхэд хүндрэлтэй байсан ч, 190 гишүүн буюу олонх нь нэвтэрч, улмаар 190-0 гэсэн саналаар Юн Сок Ёлын зарласан Цэргийн онц байдлыг хүчингүй болгоход санал нэгдэв.
