Ядарч туйлдсан үедээ өөрийгөө урамшуулахад тань туслах хөөрхөн, энгийн үйлдлүүдийг энэ нийтлэлд багтаалаа. Өөрийгөө хайрлаж, амраах эдгээр энгийн үйлдлүүд эрч хүчийг тань сэлбэхэд туслах болно.
1. Амттай зүйлээр өөрийгөө баярлуулах
Шоколад, жимс, эсвэл дуртай хоолноосоо багахан хэмжээгээр идээд тэр амтнаас авч буй сайхан мэдрэмждээ төвлөрөх.
2. Өөртөө жижиг бэлэг авах
Ном, гоё дэвтэр гээд жижигхэн ч гэсэн дуртай зүйлээ авах нь танд урам зориг бэлэглэх болно.
3. Бяцхан алхалт хийх
Цэвэр агаарт гарч, ууланд алхах эсвэл дуртай дуугаа сонсонгоо хотоор алхаад үзээрэй. Бодол санаа тань цэгцэрч, тайвшрахад тань тусална.
4. Халуун зүйл уух
Хүн халуун зүйл уух үедээ илүү амар тайван мэдрэмжийг авдаг гэнэ. Тиймээс халуун кофе, цай, шоколад бэлдээд амар амгалан байдлыг мэдрээрэй.
5. Сонирхолтой зүйл хийж бүтээх
Усан будгаар жижиг зураг зурах, эвлүүлдэг тоглоом эвлүүлэх, эсвэл хялбар гар урлал хийгээд үзээрэй.
6. Өөртөө сайхан үг хэлэх
Толинд хараад “Чи сайн байгаа шүү”, “Чамд хангалттай хүч бий” гэх мэт эерэг үгс хэлээрэй. Эхэндээ сонин санагдаж магадгүй ч үр дүнгээ өгөх болно.
7. Дуртай дуугаа чангаар сонсох
Сэргээдэг хөгжим эсвэл тайвшруулдаг аялгуугаа сонсож, сэтгэлээ сэргээгээрэй.
8. Богино завсарлага авах
Өөртөө 20-30 минутын түр амралт өгч, нүдээ аниад хэвтээрэй. Бухимдалтай орчноос тань түр ч атугай холдуулна.
9. Сонирхолтой видео эсвэл кино үзэх
Хөнгөн, хөгжилтэй, эсвэл өхөөрдөм дүр зурагтай видеог сонгож үзээрэй. Таныг сэргээж, эерэг мэдрэмжээр дүүргэх болно.
10. Дурсамжаа эргэн санах
Өнгөрсөн амжилтууд болон аз жаргалтай мөчүүдээ эргэн дурсахын тулд хуучин зураг эсвэл тэмдэглэлээ дахин нэг уншаад үзээрэй.
