Унгарын нийслэл Будапешт хотод жүдо бөхийн ДАШТ үргэлжлэн явагдаж байна. Одоогийн байдлаар эрэгтэй 3, эмэгтэй 3 жингийн медальтнууд тодроод байна. Багийн дүнгээр Японы баг 3 алт, 1 мөнгө, 3 хүрэл медальтай тэргүүлж байна. Манай улсаас эрэгтэй 60 кг-ын жинд барилдсан К.Ёолк хүрэл медаль хүртсэн билээ. Монголын баг нэг хүрэл медальтайгаар 9-14 дүгээр байрт бичигдэж байна. Өнөөдөр эрэгтэй 81 кг, эмэгтэй 63 кг жингийн барилдаантай. Манайхаас эрэгтэй 81 кг-д Ази болон Далайн орнуудын залуучуудын АШТ-ий үзүүр бөх О.Шинэбаяр, эмэгтэй 63 кг-д ДАШТ-ий хошой хүрэлтэй, Азийн аварга Л.Энхрийлэн, Азийн АШТ-ий иж бүрэн медальтай Б.Ганхайч нар барилдана.
ДАШТ-ий медальтнууд
Эрэгтэй
60 кг:
1. Рюүжюү Нагаяма (Япон)
2. Ромэн Валадье-Пикар (Франц)
3. К.Ёолк (Монгол)
3. Аюб Блиев (ОХУ)
66 кг:
1. Такеши Такеока (Япон).
2. Нурали Эмомали (Тажикистан).
3. Хифүми Абэ (Япон).
3. Обид Жебов (Тажикистан).
73 кг:
1. Жоан-Бенжамен Габа (Франц).
2. Даниел Карнин (Бразил).
3. Тацүки Ишихара (Япон).
3. Махмадбек Махмадбеков (АНЭУ).
Эмэгтэй
48 кг:
1. Ассунта Скутто (Итали)
2. Абиба Абужакынова (Казахстан)
3 Лаура Мартнеса Абеленда (Испани)
3. Вакана Кога (Япон)
52 кг:
1. Үта Абэ (Япон).
2. Дистрия Красники (Косово).
3. Роза Гьертас (Унгар).
3. Маша Баллхаус (Герман).
57 кг:
1. Этери Липартелиани (Гүрж).
2. Момо Тамаоки (Япон).
3. Сара Сисик (Франц).
3. Ширлен Насименто (Бразил).
