Хот орчмын дараах чиглэлд нийтийн тээврийн автобусны суудлыг урьдчилан захиалах боломжтой болсон талаар зургаадугаар сард “Нийтийн тээврийн бодлогын газар“-аас мэдээлж байсан нь хэрэгжиж эхэллээ.
Х:17- Тэнгэр плаза-Багануур
Х:18- Тэнгэр плаза-Багахангай
Х:19- Сүхбаатарын талбай-Чингис хаан ОУНБ
Х:20- Таван шар- Чингис хаан О;УНБ
Төлбөрийн хувьд чиглэл болон хүүхэд, насанд хүрсэн эсэхээс хамааран ялгаатай байх аж. Насан хүрэгчдийн хувьд 10-15 мянган төгрөгийн хооронд байхаар төлөвлөгдөөд байна.
Иргэн та "UBCARD" аппликешнаар дамжуулан автобусны суудлаа захиалах боломжтой.
Түүнчлэн тус шинэ автобус нь 45 хүний суудалтай, Евро-5 хөдөлгүүртэй,манай орны цаг агаарт тохирсон агааржуулалтын систем, хяналтын камертай, зорчигчийн ая тух, аюулгүй байдлыг бүрэн хангасан ажээ.
