Америкийн алдарт жүжигчин, найруулагч Роберт Редфорд 89 настайдаа энэ ертөнцийг орхин одлоо.
The New York Times сонинд бичсэнээр Роберт унтаж байхдаа амьсгал хураасан бөгөөд үхлийн шалтгааныг дэлгээгүй байна.
Редфорд 1936 онд Санта-Моникад (Калифорни) төрсөн. 1959 оноос жүжигчний замналаа эхлүүлсэн юм.
Тэрээр 1970-1980 онд Холливудын хамгийн алдартай жүжигчдийн нэг байж, инээдэм, аймшиг, драм гээд бүх төрлийн киноны гол дүрд уригддаг байлаа.
Роберт тэр үеийн хамгийн сайхан залуу, секс бэлгэ тэмдэг гэж нэрлэгдэж байв.
1981 онд Редфорд анхны кино болох “Ordinary People”-гаараа шууд Шилдэг найруулагч төрөлд Оскарын шагнал авсан.
2002 онд түүнд агуу замналыг нь хүндэтгэн, Хүндэт Оскар шагнал олгож байв.
Роберт нийт 79 дүр бүтээж, 10 кино найруулж, 50 киноны продюсероор ажиллаж байжээ.
